ڈاکٹر عافیہ دی رہائی: ڈاکٹر عافیہ دے وکیل نے حیراکن انکشاف کر دِتا

ڈاکٹر عافیہ دی رہائی: ڈاکٹر عافیہ دے وکیل نے حیراکن انکشاف کر دِتا

امریکا(پاکستان پوائنٹ نیوز17۔جنوری2017ء) ڈاکٹر عافیہ صدیقی دی امریکا وچ وکیل کیتھی مینلے نے پچھلے دِنا ای اپنے اک ویڈیو پیغام وچ حیران کن انکشاف کیتا اے۔ اپنے ویڈیو پیغام وچ وکیل کیتھی دا کہنا سی کہ مینوں بہت افسوس نال ایہ کہنا پے رہیا اے کہ ڈاکٹر عافیہ صدیقی دی رہائی لئی ملن والا چنگا موقع پاکستانی حکومت نے ضائع کر دِتا اے۔ اوہناں نے آکھیا کہ حکومت چھڈن توں پہلے امریکی صدر بارک اوباما ڈاکٹر عافیہ صدیقی نوں رہا کر سکدے نیں پر افسوس دی گل ایہ اے کہ پاکستانی حکومت نے ڈاکٹر عافیہ صدیقی دی رہائی لئی کوئی باضابطا درخاست جمع نہیں کروائی۔

ڈاکٹر عافیہ صدیقی دی وکیل نے ہور آکھیا کہ اجے وی امید دی کرن باقی اے تے عافیہ صدیقی دی رہائی ممکن اے۔ اوہناں نے اپنے ویڈیو پیغام وچ اپیل کیتی کہ برائے مہربانی ڈاکٹر عافیہ صدیقی دی رہائی دے ایس موقعے نوں ہتھوں نہ جان دِتا جائے۔