میکسیکو نائٹ کلب وچ فائرنگ، 5بندے ہلاک: غیر ملکی میڈیا

میکسیکو(پاکستان پوائنٹ نیوز16۔جنوری2017ء) میکسیکو وچ نائٹ کلب اندر فائرنگ ہوئی، فائرنگ دے نتیجے وچ 5 بندے ہلاک ہو گئے۔ تفصیل دے مطابق غیر ملکی اخبار وچ چھپن والی رپورٹ اندردسیا گیا اے کہ فائرنگ پچھلی رات بلیو پیرٹ کلب وچ کیتی گئی، فائرنگ دے نتیجے وچ چار توں 5بندیاں ہلاک ہون دی اطلاع اے۔ سکاٹس ڈی جے نے مائیکرو بلاگنگ ویب سائٹ ٹویٹر اُتے اپنے پیغام وچ دسیا کہ کُجھ لوکاں نے کلب وچ وڑ کے فائرنگ کرنا شروع کر دِتی، فائرنگ دے نتیجے وچ 5بندے ہلاک جدکہ کئی زخمی ہوئے۔ ڈی جے نے تہوار اُتے جان والے بندیاں نوں اپنے ہوٹل دے کمریاں وچ ای رہن دی ہدایت کیتی پر حکام ولوں اجے تک ایس واقعے اُتے کوئی بیان ساہمنے نہیں آیا۔