برطانوی حکومت نے رنگ گورا کرن والیاں کریماں اُتے پابندی لا دِتی

برطانوی حکومت نے رنگ گورا کرن والیاں کریماں اُتے پابندی لا دِتی

لندن(پاکستان پوائنٹ نیوز16۔جنوری2017ء) رنگ گورا کرنا اج کل دے دور وچ اک دی خاہش بن گئی اے پر ایس خاہش ہتھوں مجبور بندے جہڑیاں کریماں ورتدے نیں اوہ اوہناں لئی کِنیاں خطرناک نیں ایس گل توں کوئی واقف نہیں اے۔ ایہناں کریماں دی ورتوں پاروں صحت اُتے خطرناک قسم دے اثرات پیندے نیں، ایہو وجہ اے کہ برطانوی حکومت نے رنگ گورا کرن والیاں کریماں اُتے پابندی لا دِتی اے۔ برطانوی نشریات ادارے دے مطابق ایہناں کریماں وچ کینسر تے انسانی انگاں نوں ناکارا بنان والے کیملز، جیویں کہ مرکری تے ہائیڈکوئینون شامل نیں۔ ٹریڈنگ سٹینڈرڈز دے اک افسر نے دسیا کہ عدالت ایہناں کریماں دے چِکر وچ منافع کمان والیاں کمپنیاں دے ایس غیر قانونی فل اُتے کم کر رہی اے۔ لندن ٹریڈنگ سٹینڈرڈز نے 15دُکاناں نوں ایس طرحاں دیاں کریماں ویچدے ہوئے پھڑیاتے اوہناں نوں 11ہزار پاﺅنڈ جرمانا وی کیتا۔ انج پہلی وار ہویا کہ ایہناں دُکاناں دے مالکاں نوں معطل کر کے جیل گھلن دا حکم دِتا گیا۔ ایہناں کریماں وچ گولڈن پرل، فائزہ بیوٹی کریم، وائٹ ایکسپریس، میکسی لائٹ سنے ہور شمال نیں۔ برطانوی ادارے نے شہریاں نوں ہدایت کیتی اے کہ اوہ ایہناں کریماں نوں نہ ورتن۔