بھارت وچ ذاکر نائیک دی این جی او نے پابندی دِلی ہائی کورٹ وچ چیلنج کر دِتی

نویں دِلی(پاکستان پوائنٹ نیوز14۔جنوری2017ء) بھارتی مبلغ و عالم دین ڈاکٹر ذاکر نائیک دی این جی او ’اسلامک ریسرچ فاﺅنڈیشن‘ (آئی آر ایف) نے بھارت دی مرکزی حکومت ولوں لائی گئی پابندی نوں عدالت وچ چیلنج کر دِتا اے۔ عدالت نے فریقاں دے دلائل سُنن مگروں مودی سرکار کولوں 17جنورں نوں کیس دیاں ساریاں تفصیلاں منگ لئیاں۔ بھارتی ٹی وی دے مطابق نویں دِلی ہائی کورٹ وچ بھارتی حکومت دے فیصلے خلاف جو درخاست دائر کیتی گئی اے اوہدے وچ آکھیا گیا اے کہ آئی آر ایف نوں چُپ کیتے ای غیر قانونی قرار دے دِتا گیا جدکہ انج کرن دی کوئی وجہ وی نہیں دَسی گئی۔