میرے کول ثبوت نیں، تفتیش وچ شامل نہیں کیتا گیا: تیج بہادر یادیو

خاوند اُتے بیان واپس لین لئی دباءپایا جا رہیا اے:بیوی

میرے کول ثبوت نیں، تفتیش وچ شامل نہیں کیتا گیا: تیج بہادر یادیو
خاوند اُتے بیان واپس لین لئی دباءپایا جا رہیا اے:بیوی

نویں دِلی(پاکستان پوائنٹ نیوز13۔جنوری2017ء) بھارتی فوج وچ راشن دے معیار اُتوں پردا چُکن والے بی ایس ایف اہلکار تیج بہادر یادیو مودی سرکار تے بھارتی فوج دے گلے دی ہڈی بن گئے۔ تفصیل دے مطابق بہادر یادیو دا کہنا اے کہ مینوں تفتیش وچ شامل نہیں کیتا گیا، میر ے کول سارے ثبوت نیں۔ تیج بہادر یادیو نے آکھیا کہ اوہنوں واپس اوس تھاں گھل دِتا جائے جتھے اوہ پہلے ڈیوٹی دے رہیا سی۔ دوجے پاسے تیج بہادر دی بیوی دا کہنا اے کہ سپاہی اک پرونٹھا کھا کے 11گھنٹے ڈیوٹی کیویں کرن۔ اوہدا کہنا سی کہ میرے خاوند اُتے بیان واپس لین لئی دباءپایا جا رہیا اے۔تیج بہادر دی بیوی نے نریندر مودی اگے انصاف دی اپیل وی کیتی اے۔