بھارتی آرمی چیف نے پاکستان اندر سرجیکل سٹرائیک دی دھمکی دے دِتی

نویں دِلی(پاکستان پوائنٹ نیوز13۔جنوری2017ء) تھوڑے دِن پہلے ای بھارتی فوج تے بھارتی پولیس افسراں دی شکایت نال بھرپور ویڈیوز سوشل میڈیا اُتے مشہور ہوئیاں جہناں دا اجے تیکر حکومت نے کوئی نوٹس نہیں لیا تے نہ ای اپنے جواناں نوں بہتر سہولتاں دین لئی کوئی کم کیتا اے، پر بھارتی آرمی چیف نے پاکستان نوں سرجیکل سٹرائیک دی دھمکی ضرور دے دِتی اے۔ تفصیل دے مطابق بھارتی آرمی چیف بپن راﺅ دا کہنا اے کہ پچھلے کُجھ دِنا وچ سرحدی حداں دی خلاف ورزی نہیں کیتی گئی۔ اوہناں نے دھمکی دِتی کہ جے پاکستان نے سرحدی حداں دی خلاف ورزی کیتی تے پاکستان وچ دوبارا سرجیکل سٹرائیک کیتی جائے گی۔ یاد رہوے کہ ایس توں پہلے وی بھارت پاکستان اندر سرجیکل سٹرائیکس دے دعوے کر چکیا اے۔