دمشق(پاکستان پوائنٹ نیوز13۔جنوری2017ء) شام نے اسرائیل اُتے دمشق دے مغرب وچ موجود فوجی ہوائی اڈے اُتے بمباری دا الزام لایا اے۔ شام دے سرکاری ٹی وی چینل مطابق شامی فوج دا کہنا اے کہ مزی دے ہوائی اڈے اُتے کئی راکٹ ڈِگے، جہدے نتیجے وچ اگ لگ گئی، پر ایہ واضح نہیں اے کہ ایس بمباری دے نتیجے وچ کوئی جانی نقصان ہویا یاں نہیں۔ یاد رہوے کہ پہلے وی اسرائیل نے نہ تے شام وچ فوجی کارروائی دی کدی تصدیق کیتی تے نہ ای ایس گل نوں رَد کیتا۔
خدشا ظاہر کیتا جا رہیا اے کہ اسرائیل نے شام وچ 2011وچ شروع ہون والی خانا جنگی دے بعد کئی وار ایس اسلحے نوں نشانا بنایا اے جو حزب اللہ لئی ٹوریا جاندا سی۔ شامی سرکاری خبر رساں ایجنسی دے مطابق مزی دے فوجی اڈے وچ دھماکے ہوئے نیں، حملیاں مگروں ایمبولینساں اڈے ول ٹور دِتیاں گئیاں نیں۔ دوجے پاسے شامی فوج نے اسرائیل نوں ایس حملے دے خطرناک نتیجاں دی دھمکی دِتی اے۔
