بھارتی فوجی نوں سرکارخلاف بولنا مہنگا پے گیا

29ویں بٹالین دے اہلکار دا سرحد توں ہیڈ کوارٹر تبادلا کر دِتا گیا

بھارتی فوجی نوں سرکارخلاف بولنا مہنگا پے گیا
29ویں بٹالین دے اہلکار دا سرحد توں ہیڈ کوارٹر تبادلا کر دِتا گیا

نویں دِلی(پاکستان پوائنٹ نیوز10۔جنوری2017ء)بھارتی فوجی دی ویڈیوجہدے وچ اوہنے بھارتی سرکار دا راز کھول دِتا نے سوشل میڈیا ورتیندڑاں دی توجہ اپنی ول کروائی۔ اپنی ایس ویڈیو وچ تیج بہادر نامی اہلکار نے دسیا کہ اوہناں نوں بھارتی سرکار معیاری کھانا دین دی بجائے سڑیاں روٹیاں، لون تے ہلدی نال کھان نوں دِیندی اے۔ ٹھیک طرحاں روٹی پانی نہ ملن دی شکایت کردے ہوئے تیج بہادر نے اپنی ایس ویڈیو وچ آکھیا کہ میں جتھے ایس ویلے آں اوتھے میڈیا تے نہیں آ سکدا پر جے حکومت تحقیقات کروائے تے سچ ساہمنے آ جائے گا۔

ایس ویڈیو نوں ویکھدے ای ویکھدے پچھلے رات سوشل میڈیا اُتے بہت مقبولیت حاصل ہوئی جہدے بعد ہن تیج بہادا دا تبادلا سرحد توں ہیڈ کوارٹر کر دِتا گیا اے۔ بی ایس ایف دے 29ویں بٹالین دے اہلکار دا کہنا سی کہ مینوں اپنی پرواہ نہیں پر جے میری ایس ویڈیو نال دوجے اہلکاراں دا بھلا ہووے گا تے مینوں خشی ہوئے گی۔ یاد رہوے کہ بھارتی وزیر داخلا راج ناتھ سنگھ نے وی تیج بہادر دی ایس ویڈیو دا نوٹس لیندے ہوئے تحقیقات دا حکم دے دِتا اے۔