مسقط(پاکستان پوائنٹ نیوز09۔جنوری2017ء) مسقط توں دبئی جان والی ایمریٹس ائر لائن دی اُڈان نوں جہاز وچ سَپ ہون کارن منسوخ کر دِتا گیا۔ تفصیل دے مطابق ایمریٹس دے ترجمان ولوں جاری بیان وچ دسیا گیا کہ ایمریٹس ائر لائن دی مسقط توں دبئی جان والی اُڈان ای کے 0863نوں مسافراں دی بورڈنگ توں پہلے ای اک سَپ دی موجودگی کارن منسوخ کر دِتا گیا۔ بیان وچ دسیا گیا کہ جہاز نوں کلیئر کروان لئی انجینئرز تے صفائی کرن والی اک ٹیم نوں سَدیا گیااے۔
ترجمان ایمریٹس ائر لائن نے پریشانی دا ساہمنا کرن والے مسافراں توں معذرت وی کیتی۔ ایہ خبر سوشل میڈیا اُتے وی وائرل ہوئی جہنوں سوشل میڈیا ورتیندڑاں نے سیموئل ایل جیکسن دی 2006وچ ریلیز ہون والی اک فلم ’Snakes on a Plane‘ نال جوڑیا۔ یاد رہوے کہ پچھلے ورھے ٹورنٹو توں میکسیکو جان والی اک اُڈان وچوں اک سَپ برآمد ہویا سی۔
