نویں دِلی(پاکستان پوائنٹ نیوز09۔دسمبر2016ء) بھارت نے دعوا کیتا اے کہ بھارتی جاسوس کل بھوشن یادیو خلاف پاکستان دے الزامات مکمل طور اُتے بے بنیاد نیں تے اسیں فوری طور اُتے اوہناں تیکرقونصلر رسائی دین دا مطالبا کردے آں، اسیں ایس معاملے اُتے پاکستانی دفتر خارجا نوں 8وار پیغام گھلیا۔ بھارتی ٹی وی دے مطابق پچھلے دیہاڑے بھارتی وزارت خارجا دے ترجمان ویکاس سواروپ نے ہفتہ وار بریفنگ دے دوران آکھیاکہ بھارتی حکومت دا ہمیشہ ایہ موقف رہیا اے کہ بھارتی جاسوس کلبھوشن یادیو خلاف پاکستان دے الزامات مکمل طور اُتے بے بنیا دنیں تے اسیں فوری طوراُتے اوہدے تیکر قونصلر رسائی دین دا مطالبا کردے آں۔
اوہناں نے دعوا کیتا کہ کلبھوشن نوں غلط تے غیر قانونی طور اُتے 9مہینیاں توں ودھ چِر توں گرفتار کیتا ہویا اے تے پاکستانی حکام نوں اوہدے خلاف کوئی اک ثبوت وی نہیں ملیا۔ اوہناں نے آکھیا کہ اسیں متعلقا عالمی کنونشنز دے مطابق کلبھوشن تیکر فوری قونصلر رسائی تے غیر قانونی گرفتاری توں اوہنوں فوری طور اُتے رہا کرن دا مطالبا کردے آں۔ اوہناں نے آکھیا کہ اسیں ایس معاملے اُتے پاکستانی دفتر خارجا نوں 8وار پیغام وی گھلیا اے۔