لندن(پاکستان پوائنٹ نیوز 06۔اکتوبر 2016ء) لندن پولیس نے منی لانڈرنگ کیس وچ ثبوت پیش کرن دا فیصلا کرن لئی عدالت توں ہور دو ہفتیاں دی مہلت منگ لئی، پولیس دا کہنا اے کہ پاکستان توں کُجھ دن پہلے ای دستاویزات ملیاں نیں۔ جہدے بارے تحقیقات جاری نیں، ایس لئی دو ہفتیاں دا ویلا دِتا جائے جدکہ عدالت نے سکاٹ لینڈ یارڈ دی استدعا اُتے ملزماں دے وکیلاں نوں بُلا ن دے بعد نویں تاریخ دین دا دا فیصلا کیتا اے۔
وسیلیاں دے مطابق مواد پاکستان دی ایف آئی اے ولوں سکاٹ لینڈ نوں گھلیا گیا اے۔دوجے پاسے منی لانڈرنگ کیس دے اہم ملزم سرفراز مرچنٹ پولیس دی درخاست نوں عدالت وچ چیلنج کرن جا رہے نیں، اوہناں دے وکیلاں دا موقف اے کہ چار سال توں جاری منی لانڈرنگ کیس دیاں تحقیقات وچ سکاٹ لینڈ یارڈ ہُن تیکر کسے حتمی نتیجے اُتے نہیں پہنچی ۔
