مکہ: شیخ عبدالعزیز بن عبداللہ نے صحت دی خرابی پاروں ، چالو ورھے نمرہ مسجد وچ خطبہ دین توں معذرت کر لئی

مکہ(پاکستان پوائنٹ نیوز10۔ستمبر2016ء) پچھلے 35 ورھیاں توں لگاتار حج دے موقع اُتے نمرہ مسجد وچ خطبہ دین والے سعودی عالم دین شیخ عبدالعزیز بن عبداللہ شیخ نے چالو ورھے خطبہ دین توں معذرت کر لئی۔ یاد رہوے کہ شیخ عبدالعزیز بن عبداللہ سعودی عرب دی عالم دین کونسل تے افتاء کونسل دے چیئرمین وی نیں۔ شیخ عبدالعزیز بن عبداللہ سال وچ صر ف اک وار کھولی جان والی مسجد وچ یوم عرفہ دے دن خطبہ دیندے نیں۔ پر چالو ورھے اوہناں نے آپ ای صحت دی خرابی پاروں خطبہ دین توں معذرت کر لئی اے۔شیخ عبدالعزیز بن عبداللہ دی تھاں ممکنا طور اُتے شیخ صالح بن حمید ممبر کمیشن امام گرینڈ مسجد نوں ذمے واری دے دِتی جائے گی۔