پجنگ(پاکستان پوائنٹ نیوز16۔فروری2017ء) چینی میڈیا نے تائیوان دے پارلیمانی وفد دے دورا بھارت اُتے نویں دِلی نوں خبردار کردے ہوئے آکھیا اے کہ تائیوان نال تعلقات ودھانا اگ نال کھیڈن دے برابر اے۔ چائنہ ریڈیو انٹرنیشنل دے مطابق تائیوان دے اک پارلیمانی وفد نے بھارت دا دورا کیتا، دورے اُتے چین نے بھات نوں شکایت کیتی تے نال ای پیغام وچ آکھیا کہ بھارت نوں تائیوان نال سرکاری سطح اُتے کوئی رابطا نہیں رکھنا چاہیدا سی ۔
چائنہ دا بھات نوں وارننگ دیندے ہوئے کہنا سی کہ اوہ ون چائنہ پالیسی دا احترام کرے۔ پجنگ دی ناراضگی دا ایہ عمل فوری طور اُتے سرکاری میڈیا اُتے آنا شروع ہو گیا جہدے وچ چینی میڈیا نے بھارت نوں خبردار کیتا کہ تائیوان نال تعلقات بنا کے اگ نال نہ کھیڈیا جائے۔ چین دی وزارت خارجا دے ترجمان دا کہنا اے کہ جو ی ملک چین نال سفارتی تعلقات رکھدے نیں ،جے اوہ تائیوان نال وی تعلقات ودھان دی کوشش کرن تے چین ہمیشہ اوہناںدی مخالفت کردا اے۔
