پنجاب پولیس دے سب انسپکٹر دی ڈب سمیش ویڈیو سوشل میڈیا اُتے مشہور

لاہور(پاکستان پوائنٹ نیوز26۔جنوری2017ئ) کُجھ دن پہلے سوشل میڈیا اُتے اک سوانی دی ویڈیو بہت وائرل ہوئی سی جہدے وچ اوہنے صرف ہونٹھ ہلا کے اپنے مُکھ دے تاثرات نال بالی ووڈ دے اک گانے اُتے ویڈیو بنائی سی۔ ایس ویڈیو دے سوشل میڈیا اُتے مشہور ہون مگروں ذکر کیتی گئی سوانی دی اک ہور ویڈیو ساہمنے آئی، سوانی دی شوخ و چلبلی ویڈیو مگروں لوکاں نے اوہدے جواب وچ ویڈیو ریکارڈ کر کے سوانی دی ویڈیو نال اپنی ویڈیو نوں ایڈٹ کر دِتا پر پچھلے دِنا ای اک پولیس افسر نے وی انج ای کیتا جہنے سوشل میڈیا ورتیندڑاں نوں حیران کر دِتا۔ تفصیل دے مطابق جنوبی چھاﺅنی دے انچارج انوسٹی گیشن سب انسپکٹر ثقلین گوندل نے اداکاری وچ وڈے وڈے نوں پچھانہ چھڈ دِتا۔ سوانی دے ڈب سمیش نال اپنا ڈب سمیش ایڈٹ کر کے اپنی بہترین اداکاری دا مونہوں بولدا ثبوت پیش کر دِتا۔ ثقلین گوندل دی ایہ ویڈیو تُسیں وی ویکھو!