’عمران خان دا وی علاج کرا لوو‘میٹرو بس دی افتتاحی تقریب وچ کارکن دا نعرا

’عمران خان دا وی علاج کرا لوو‘میٹرو بس دی افتتاحی تقریب وچ کارکن دا نعرا

ملتان(پاکستان پوائنٹ نیوز24۔جنوری2017ء) ملتان وچ میٹرو بس دی افتتاحی تقریب نال خطاب وچ وزیر اعظم میاں محمد نواز شریف نے مخالفاں نوںڈاڈھی تنقید دا نشانا بنایا۔ تقریب نال خطاب وچ اوہناں نے آکھیا کہ میں ملتان وچ راہ روکن یاں دھرنا دین نہیں آیا۔ اوہناں نے آکھیا کہ گالھاں کڈھن والے لوکاں دے معاملات وی جلد ی ساہمنے آن گے۔ وزیر اعظم نواز شریف نے مستقبل وچ صحت دے منصوبیاں بارے وی تقریب دے رلتیاں نوں دسیا تے آکھیا کہ غریب نوں صحت تے علاج دیاں سہولتاں دِتیاں جان گیاں۔ جہدے اُتے پنڈال وچوں آواز آئی کہ عمران خان دا علاج وی کرا لوو۔ کارکن دے ایس مطالبے اُتے میاں محمد نواز شریف نے جواب دیندے ہوئے آکھیا کہ کُجھ لوک لاعلاج ہوندے نیں۔