اوکلوہاما(پاکستان پوائنٹ نیوز20۔جنوری2017ء) زندگی وچ آن والیاں اوکڑاں نال نبڑن دا حل اوکوہاما توں تعلق رکھن والی کرسٹی لویال بہترین انداز وچ سِکھ چکیاں نیں۔ تفصیل دے مطابق زندگی وچ آن والیاں اوکڑاں نال نبڑن دا حل اوکوہاما توں تعلق رکھن والی کرسٹی لویال بہترین انداز وچ سِکھ چکیاں نیں،اپریل 2016وچ کینسر دا شکار ہون والی 25ورھیاں دی کرسٹی لویال نوں جدوں ڈاکٹراں نے ایس گل بارے دسیا کہ کینسر نوں جُسے اندر ہورکِھلرن توں روکن لئی اوہدی اک لَت کٹنی پئے گئے تے اوہدا پہلا سوال ایہ سی کہ کیہ میں اپنی لَت اپنے کول رکھ سکدی آں؟ ڈاکٹر نے وی کرسٹی دی خاہش نوں پورا کردے ہوئے متاثرا لَت اوہدے حوالے کردِتی۔
حیرت دی گل ایہ اے کہ کرسٹی نے اپنی اک لَت توں محرومی نوں اپنے لئی کمزوری نہیں بنن دِتا بلکہ کٹی لَت نوں اپنی پہچان بنالیا۔ اوہ ہن جتھے جاندی اے اپنے نال اپنی کٹی لَت دے ڈھانچے نوں لے جاندی اے۔ معذری نوں ہران دی بہترین مثال کرسٹی دا انسٹا گرام اکاﺅنٹ اے جتھے اوہناں دیاں کئی تصویراں موجود نیں۔ کرسٹی سردی ودھن مگروں جراباں وی ایہناں دوویں پیراں وچ پاندی اے، شاید کُجھ لوک کرسٹی دی لُت دے ڈھانچے دیاں ایہناں تصویراں توں ڈرے ہوئے نیں پر زیادا تے بندے ایہناں تصویراں نوں کرسٹی دے حوصلے دی مثال قرار دیندے نیں۔
