روزکشمش کھان دے 5فائدے نیں: تحقیق

روزکشمش کھان دے 5فائدے نیں: تحقیق

لندن(پاکستان پوائنٹ نیوز19۔جنوری2017ء) صحت بارے مشہور ویب سائٹ ’بولڈ سکائی‘ نے کشمش دے 5حیراکن فائدے بیان کیتے نیں جو لندن دے ڈاکٹری ماہراں دی تحقیق دا نتیجہ نیں۔ ایس تحقیق دے مطابق کشمش بندے دی جلد نوں بُڈھاپے تے ودھدی عمر دے ظاہری اثرات توں بچاندی اے، پابندی نال کشمش کھان دے نتیجے وچ انسانی جُسے وچ خون دا نظام بہتر طریقے نال چلدا رہندا اے جدکہ دَنداںنوں ٹھیک رکھن لئی ڈاکٹر باقاعدگی نال کشمش کھان دی ہدایت کردے نیں۔

تحقیق دے مطابق کشمش وچ اک اجیہا کیمیائی نباتاتی مواد ہوندا اے جو ساڈی جلد نوں تیز دُھپ دے نقصان توں بچائی رکھدا اے۔ کالی کشمش بندے دے کالے والاں نوں چِٹا ہون توں روکدی اے۔ ایہ وٹامن سی تے فولاد نال بھرپور ہون پاروں معدنیات دے جذب ہون وچ مدد دیندی اے۔ ایس لئی خوب صورت تے چمک دار والاں لئی روز کشمش کھان دی ہدایت کیتی جاندی اے۔