ماں پیو دی غیر ضروری سختی کارن بال جھوٹھ بولن دے عادی ہو جاندے نیں: برطانوی ماہرین نفسیات

ماں پیو دی غیر ضروری سختی کارن بال جھوٹھ بولن دے عادی ہو جاندے نیں: برطانوی ماہرین نفسیات

اسلام آباد(پاکستان پوائنٹ نیوز09۔جنوری2017ء) برطانوی ماہرین نفسیات دا کہنا اے کہ ماں پیو دی غیر ضروری سختی کارن بال جھوٹھ بولن دے عادی ہو جاندے نیں۔ مڈل سیکس یونیورسٹی نال جُڑے نفسیاتی ماہراں دے مطابق جہڑے گھر دا ماحول بہتا جبر تے سختی والا ہووے، اوتھے اک ایس طرحاں داماحول بن جاندا اے کہ بال سچ بولن نوں غنیمت نہیں سمجھدے تے انج کسے ماہر فنکار وانگ غلط بیانی توں کم لیندے نیں۔

معالجاں دا کہنا اے کہ تالی ہمیشہ دوویں ہتھاں نال وَجدی اے، عین ایسے طرحاں بالاں نوں جھوٹھ بولن وچ ماں پیو دا برابر دا ہتھ ہوندا اے کیونکہ ماں پیو ولوں بہتی سختی بالاں دے جھوٹھ بولن دا کارن بندی اے۔ ماہراں ولوں ایس تجربے لئی مغربی افریقا دے دو سکولاں نوں چُنیا گیا جتھے اک سکول دا ماحول نرم تے دوجے دا کیتے سخت سی۔ تجربے دوران بالاں نوں کھڈونے سُٹ کے رولا پان لئی آکھیا گیا جدکہ بڑی خفیہ تھاں توں ایہ سارا کجھ ماہر ویکھدے رہے۔

پتا چلیا کہ جس سکول دا ماحول کیتے نرم سی اوتھے بالاں نے رولا پان دا اعتراف کیتا جدکہ جتھے سخت ماحول ویکھیا گیا تے بالاں نوں سزا دا ڈر سی اوتھے اوسے ویلے بالاں نے بڑی مہارت نال جھوٹھ بولیا۔ نفسیاتی ماہراں نے ماں پیو نوں مشورا دیندے ہوئے آکھیا اے کہ اوہ بالاں نال نرمی تے شفقت دا رویہ رکھن۔