ایف ایس سی تے ڈپلومہ کرن والے بھکاری دی کہانی، بھکاری دی انگریزی نے ساریاں نوں حیران کر دِتا

ایف ایس سی تے ڈپلومہ کرن والے بھکاری دی کہانی، بھکاری دی انگریزی نے ساریاں نوں حیران کر دِتا

(پاکستان پوائنٹ نیوز10۔فروری2017ء) سماجی رابطے دی ویب سائٹ فیس بک اُتے اک بھکاری دی ویڈیو وائرل ہو گئی اے۔ ویڈیو وچ بھکاری نوں فر فر انگریزی وچ گلاں کردے ویکھیا گیا اے۔ اپنی ویڈیو وچ بھکاری نے دسیا کہ اوہنے ایف ایس سی کرن دے نال نال 3ڈپلومے وی کیتے ہوئے نیں۔ بھکاری نے دسیا کہ اوہ بطورسوشل ریفنڈ سپیشل ایجوکیشن وچ ملازم سی جتھوں اوہنوں چھٹیاں کرن پاروں معطل کر دِتا گیا۔

بھکاری نے ہور دسیا کہ میری ماں نوں دل دی تکلیف سی جہدے علاج لئی مینوں چھٹیاں کرنیاں پئیاں سن تے ایس سلسلے وچ میں لوکاں کولوں اُدھار پیسے لئے تے ہن نوکری نہ ہون مگروں میرے کول منگن توں وکھ ہور کوئی چارا نہیں اے۔ فر فر انگریزی بولن تے اینے پڑھے لکھے بھکاری دی ویڈیو سو شل میڈیا اُتے ڈاڈھی وائرل ہو گئی اے۔ سوشل میڈیا ورتیندڑ جتھے اوس بھکاری دی انگریزی توں حیران نیں اوتھے کوئی ورتیندڑ بھکاری بارے معلومات لین دی کوشش کر رہے نیں تاں جے اوہدی مدد کیتی جائے پر اوس بھکاری بارے کُجھ پتا نہیں لگ سکیا۔ بھکاری دی ویڈیو تُسیں وی ویکھو