بھارتی ٹینس سٹار ثانیہ مرزا دے کپڑیاں بارے سوشل میڈیا اُتے نواں جھیڑا شروع ہو گیا

بھارتی ٹینس سٹار ثانیہ مرزا دے کپڑیاں بارے سوشل میڈیا اُتے نواں جھیڑا شروع ہو گیا

حیدر آباد(پاکستان پوائنٹ نیوز10۔جنوری2017ء)بھارتی ٹینس سٹار ثانیہ مرزا دے کپڑیاں نوں لے کے سوشل میڈیا اُتے نواں جھیڑا شروع ہو گیا اے پر ایہ پہلی وار نہیں کہ ثانیہ مرزا دے کپڑیاں اُتے تبصرے ہو رہے ہون یاں اوہناں نوں تنقید دا نشانا بنایا جا رہیا ہوئے۔ بھارتی میڈیا رپورٹس دے مطابق بھارتی ٹینس سٹار تے پاکستانی کرکٹردی گھر والی ثانیہ مرزا دے کپڑیاں نوں لے بھارت وچ اک نواں جھیڑا شروع ہو گیا اے۔

سوشل میڈیا دے تعصب پاروں ورتیندڑ اپنے تبصریاں وچ ثانیہ مرزا نوں ڈاڈھی تنقید دا نشانا بنا رہے نیں۔ ایہ جھیڑا اوس ویلے شروع ہویا جدوں ثانیہ مرزا نے سماجی رابطے دی ویب سائٹ فیس بک اُتے اپنی اک نویں تصویر اپ لوڈ کیتی۔ پوسٹ کیتی گئی تصویر وچ اوہناں لال رنگ دے کپڑے پائے نیں، ایہناں کپڑیاں نوں لے کے ثانیہ مرزا نوں ڈاڈھی تنقید دا نشانا بنایا جا رہیا اے۔ کئی سوشل میڈیا ورتیندڑاں دا کہنا اے کہ اوہناں نوں کپڑیاں دا چناﺅ کرن ویلے اپنیاں مذہبی قدراں تے پابندیاں نوں نظر وچ رکھنا چاہیدا سی۔