لندن(پاکستان پوائنٹ نیوز24۔دسمبر2016ء) برطانوی باکسر عامر خان دی بیوی تے اوہناں دے خاندان وچکار جاری لڑائی وچ اک نواں موڑ آ گیا اے، عامر خان دی بھین نے انکشاف کیتا اے کہ اوہناں دی بھابھی گھر والیاں نوں عامر دی دھی نال ملن نہیں دیندی۔ اک برطانوی ویب سائٹ دے مطابق سوشل میڈیا ’انسٹاگرام‘ اُتے عامر دی 19ورھیاں دی بھین ماریہ کولوں باکسر دے اک چاہیوان نے سوال کیتا ’تسیں فریال دی مدد نہیں کردے؟ اوہ ملکوں باہر جائے تے اوہدی والدہ اوہدی دھی دی ویکھ بھال کرن لئی امریکا آﺅندی اے، ظالم لوک، ایس لئی عامر تہاڈی بجائے فریال نوں اہمیت دیندا اے‘۔
ماریہ نے جواب وچ آکھیا ’محترم اوہ سانوں اپنی دھی نال ملن دی اجازت تیکر نہیں دیندی‘۔ دوجے پاسے فریال مخدوم نے عامر دی بھین دے دعوے نوں رَد کرد ے ہوئے آکھیا کہ اوہناں نے اپنی دھی نوں کدی عامر دے گھر والیاں نال ملن توں نہیں ڈکیا، اصل وچ عامر دی بھین اپنے پُتراں نوں اوہناں دی دھی نال کھیڈن دی اجازت نہیں دیندی حالانکہ عامر دیاں بھانجیاں اوہدا سگا خون نہیں نیں پر اوہ اوہناں نوں اپنی اولاد وانگ پیار کردیاں نیں۔
