تیز رفتاری اُتے میرا ڈوپ ٹیسٹ وی ہویا سی: صلاح الدین،کمپیوٹر نال سپیڈ پتا کیتی گئی تے سپیڈ گیند توں ڈبل سی: سابق ہاکی کپتان

کراچی (پاکستان پوائنٹ نیوز۔27ستمبر 2016) پاکستانی ہاکی ٹیم دے سابق کپتان اصلاح الدین دا شمار اپنے ویلے دے تیز ترین فارورڈز وچ ہوندا سی تے 1972 دے میونخ اولمپکس وچ کمپیوٹر نال اوہناں دی رفتار ناپی گئی سی۔ اصلاح الدین نُوں اج وی چنگی طرحاں یاد اے کہ اوہناں دی جہڑی رفتار ساہمنے آئی سی ماہرین حیران رہ گئے سن تے اوسے وجھا توں اوہناں دا ڈوپ ٹیسٹ وی ہویا سی۔ جہڑے زمانے وچ میں کھیڈ رہیا سی اوس ویلے دنیا دی ہر ٹیم کول پنلٹی کانرز اُتے تیز ہٹ لان والے کھڈاری ہوندے س اوہناں وچ پال لٹجنز‘ کراؤزے‘ مائیکل پیٹر‘ کک تے مکھ بین سنگھ ذکر جوگ نیں۔ میں تیزی نال ڈیش کردا ہویا گیند نُوں وچکار ای حاصل کر کے اوہناں دے پنلٹی کارنرز ناکام با دیندا ہوندا سی۔