جہاز تباہ ہون توں پہلے میں سیٹ بدلی ، ایہو کم نے میری جان بچا دِتی: برازیلین فٹبالر دا انکشاف

جہاز تباہ ہون توں پہلے میں سیٹ بدلی ، ایہو کم نے میری جان بچا دِتی: برازیلین فٹبالر دا انکشاف

ریوڈی جنیرو(پاکستان پوائنٹ نیوز19۔دسمبر2016ء)کولمبیا جہاز حادثے وچ زندابچ جان والے برازیلین کلب دے فٹبالر نے انکشاف کیتا اے کہ آخری ویلے سیٹ دی بدلی اوہدی جان بچان دی وجہ بنی۔تفصیل دے مطابق چھسیپیکونسے فٹبال کلب دے ایلن روشیل نے انکشاف کیتا اے کہ اوہ اپنے ساتھی کھڈاری دے آکھن اُتے اپنی تھاں توں اُٹھ کے اوہدے کول آ کے بِہ گئے جو شاید اوہناں دی جان بچان دی وجہ بن گیا۔

ایلن روشیل دا کہنا سی کہ پہلے اوہ جہاز دی پچھلی سیٹ اُتے بیٹھے سن پر فیر ٹیم ڈائریکٹر نے اوہناں نوں اپنی تھاں چھڈ کے اگے آن دا آکھیا تاں جے میڈیا دے لوک اکٹھے اک تھاں بَہ سکن۔ اوہناں دا ہور کہنا سی کہ اوہ اپنی سیٹ نہیں چھڈنا چاہندے سن پر اوہناں دے ساتھی کھڈاری جیکسن فورلمین نے اوہناں نال بیٹھن دا آکھیا جہدے اُتے اوہ اپنی سیٹ چھڈ کے اوہناں نال آکے بِہ گئے۔ روشیل دا کہنا سی کہ صرف خدا ای ایس گل دا جواب دے سکدا اے کہ میں ایس حادثے وچ کیویں بچ گیا، اوہنے مینوںزندا بچاکے زندگی جین دا دوجا موقع دے دِتا۔