لیگ کپ: چیلسی نے لائسسٹر سٹی نُوں 4.2نال ہرا دِتا،

لندن(پاکستان پوائنٹ نیوز۔22ستمبر 2016) لیگ کپ وچ کھیڈے گئے فٹبال میچ وچ چیلسی نے لائسسٹر سٹی نُوں دو دے مقابلے وچ چار گولز نال ہرا دِتا اے۔ برطانیا دے کنگ پاور سٹیڈیم وچ ہون والے میچ وچ چیلسی تے لائسسٹر سٹی دیاں وڈیاں ٹیماں وچ جوڑ پیا۔ لائسسٹر نے پہلے ہاف وچ بہترین کھیڈ پیش کیتا تے چیلسی دی ٹیم نُوں جم کے کھیڈن دا موقع نہ دِتا۔ اوہناں نے پہلے ہاف وچ دو گولز کر کے حریف ٹیم نُوں دباء دا شکار کر دِتا پر میچ دے دوجے ہاف وچ لائسسٹر دے کھڈاری چیلسی دے خلاف بے وس نظر آئے۔ چیسلی نے مخالف گول پوسٹ اُتے تابڑ توڑ حملے کیتے۔ اوہناں نے وقفے وقفے توں اِک نہیں دو نہیں سگوں چار گولز داغ دِتے۔ لائسسٹر دی ٹیم ہور گول سکور کرن وچ ناکام رہی۔