واشنگٹن(پاکستان پوائنٹ نیوز18۔جنوری2017ء) نیوزی لینڈ وچ مقامی کلب اندر کھیڈے گئے میچ دے دوران کھڈاری 117گینداں اُتے بغیر کوئی کھاتا کھولے ناٹ آﺅٹ رہیا۔ تفصیل دے مطابق اوٹاگو کنٹری کلب دا مقامی ایونٹ وچ ساﺅتھ لینڈ نال میچ جاری سی۔ اوٹاگو دی ٹیم 99سکور 7وکٹاں اُتے میچ ہارن دے نیڑے سی۔ میچ ختم ہون وچ 30توں ودھ اوورز باقی سن۔ ایس موقعے اُتے کپتان فریزر ولسن کریز اُتے پہنچے تے ڈرا ذہن وچ رکھ کے بولرز نوں تھکانا شروع کر دتا، اوہناں نے ایس دوران 117گینداں کھیڈیاں پر کوئی سکور نہ بنایا پر بدقسمتی نال ہیپی اینڈنگ دے نیڑے اوہناں دی ٹیم دے کھڈاری اک اوور وچ آﺅٹ ہوئے تے فریز دوجے اینڈ توں ایہ تماشا ویکھن اُتے مجبور سن۔
میچ دے بعد میڈیا نال گل بات کردے ہوئے اوہناں نے انکشاف کیتا کہ میچ توں پہلے اوہناں دی اکھ وچ درد سی، اوہناں نے پورا میچ اک اکھ نال کھیڈیا۔
