بھارت: سبھ توں وڈے سٹیڈیم دی اُساری شروع، 1لکھ 10ہزار کرکٹ چاہیوان بِہ سکن گے

بھارت: سبھ توں وڈے سٹیڈیم دی اُساری شروع، 1لکھ 10ہزار کرکٹ چاہیوان بِہ سکن گے

احمد آباد(پاکستان پوائنٹ نیوز17۔جنوری2017ء) بھارتی شہر احمد آباد وچ دنیا دے سبھ توں وڈے سٹیڈیم دی نینہ رکھ دِتی گئی، سٹیڈیم وچ اک لکھ 10ہزار بندیاں دے بِہن دی گنجائش ہووے گی۔ بھارتی میڈیا دے مطابق ریاست گجرات دے شہر احمد آباد وچ نویں سٹیڈیم دی نینہ رکھدے ہوئے حکام نے دعوا کیتا اے کہ نویں سٹیڈیم وچ بِہن اک لکھ 10ہزار کرکٹ چاہیواناں دی گنجائش ہووے گی۔

گجرات کرکٹ ایسوسی ایشن دے نائب صدر پری مل نتھوانی دے مطابق ایہ منصوبا 7ارب ہندوستانی رُپئے وچ مکمل ہو وے گا۔ اوہناں نے دسیا کہ ایس سٹیڈیم وچ 76کارپوریٹ باکس، تن پریکٹس گرﺅانڈ، اک ان ڈور کرکٹ اکیڈمی، چار ڈریسنگ روم، اک کلب ہاﺅس تے اک اولمپک سائز دا سوئمنگ پول ہووے گا تے ایہنوں دو ورھیاں وچ مکمل کر لیا جائے گا۔ اوہناں دا کہنا سی کہ ایس سٹیڈیم نوں پچھلے دِنا ای ڈِگائے گئے گجرات کیسردار پٹیل سٹیڈیم دی تھاں بنایا جائے گا، ذکر کیتے گئے سٹیڈیم وچ 50ہزار کرکٹ چاہیواناں دے بِہن دی گنجائش سی۔ یاد رہوے کہ ٹیسٹ کرکٹ وچ عالمی نمبر ون بھارت قومانتری معیار دے اک درجن توں ودھ سٹیڈیم بنا چکیا اے۔