میلبورن(پاکستان پوائنٹ نیوز16۔جنوری2017ء) قومی ٹیم دے نوجوان بلے باز بابر اعظم ون ڈے کرکٹ وچ تیز ترین 1000سکور دا ریکارڈ اپنے ناں نہ کر سکے۔ تفصیل دے مطابق لیجنڈری ویسٹ انڈین بلے باز سرویوین رچرڈز نے 37ورھے پہلے 21اننگز وچ ہزار سکور کرکے ایہ ریکارڈ اپنے ناں کیتا سی، ایس توں وکھ انگلینڈ دے جوناتھن ٹروٹ تے کیون پیٹرسن تے جنوبی افریقا دے کوئنٹن ڈی کک نے وی ایس کلب نوں جوائن کیتا۔
بابر اعظم نوں کینگروز خلاف سریز شروع ہون توں پہلے تیز ترین اک ہزار سکور مکمل کرن لئی دو اننگز وچ 114سکور چاہیدے سن، برسبین وچ اوہناں نے 33سکور بنائے سن جدکہ میلبورن وچ اوہ 34سکور بنا کے اپنا ٹوٹل سکور 953تک پہنچان دے بعد آﺅٹ ہوگئے، نوجوان کھڈاری اگلے میچ وچ 47سکور بنا کے ایس ریکارڈ وچ ویوین، رچرڈز، جوناتھن ٹروٹ، کیون پیٹرسن تے کوئنٹن ڈی کک نال رل جانگے۔
