ون ڈے کپتان اظہر علی آسٹریلیا خلاف دوجے میچ توں باہر ہوگئے

میلبورن(پاکستان پوائنٹ نیوز14۔جنوری2017ء) قومی ون ڈے ٹیم دے کپتان اظہر علی آسٹریلیا خلاف دوجے میچ توں باہر ہو گئے نیں۔ تفصیل دے مطابق پاکستان کرکٹ بورڈ ولوں جاری اک بیان وچ آکھیا گیا اے کہ برسبین اندر پہلے ون ڈے میچ وچ زخمی ہون والے اظہر علی مکمل فٹ نہ ہون دی وجہ توں ایتوار دا میچ نہیں کھیڈ سکن گے جدکہ اوہناں دے فٹنس ٹیسٹ مگروں ای سیریز دے باقی میچاں وچ اوہناں نوں کھڈان دا فیصلا کیتا جائے گا۔ پی سی بی دا ہور کہنا سی کہ اظہر علی دی تھاں میلبورن وچ محمد حفیظ ٹیم دی قیادت کرن گے۔