سابق ٹیسٹ کرکٹر وسیم اکرم دی گر فتاری لئی وارنٹ جاری

کراچی(پاکستان پوائنٹ نیوز10۔جنوری2017ء) سابق ٹیسٹ کرکٹر وسیم اکرم دی گرفتاری لئی وارنٹ جاری کر دِتے گئے۔ تفصیل دے مطابق کراچی دے جوڈیشل مجسٹریٹ شرقی نے عدالت وچ پیش نہ ہون اُتے سابق کرکٹر تے قومی ٹیم دے سابق کپتان وسیم اکرم دے وارنٹ جاری کردے ہوئے 17جنوری نوں عدالت وچ پیش ہون دا حکم جاری کیتا اے۔ یاد رہوے کہ وسیم اکرم دی مدعیت وچ بہادر آباد تھانے اندر مقدما درج اے پر اوہ پچھلاں 31سنوائیاں توں عدالت وچ گواہی لئی پیش نہیں ہو رہے۔ اج وی اوہناں دے کیس دی سنوائی سی پر اوہ غیر حاضر سن جہدے اُتے عدالت نے اوہناں دے وارنٹ جاری کیتے نیں۔