برسبین(پاکستان پوائنٹ نیوز10۔جنوری2017ء) آسٹریلیا خلاف ون ڈے سیریز توں پہلے ٹور میچ وچ پاکستانی شاہیناں نے کرکٹ آسٹریلیا الیون نوں 196دے بھاری مارجن توں ہرا دِتا۔ تفصیل دے مطابق ایلن بارڈر فیلڈ، برسبین وچ کھیڈے گئے میچ وچ پہلے بیٹنگ دی دعوت ملن دے بعد گرین شرٹس نے مِتھے 50اوورز وچ ست وکٹاں دے نقصان اُتے 334سکور بنائے، بابر اعظم 98، شرجیل خان 63، عمراکمل 54 تے شعیب ملک 49سکور نال نمایاں بلے باز رہے۔
آسٹریلیا الیون لئی ہنری تھارنٹن تے گرین نے تن، تن شکار کیتے۔ دوجے پاسے 335سکور دے جواب وچ مجمان ٹیم 36-2اوورز وچ صرف 138سکور اُتے ڈھیر ہوگئی۔ وکٹ کیپر بلے باز جوش لنگز 70سکور کر کے نمایاں بلے باز رہے۔ پاکستان لئی حسن علی نے تن، عماد وسیم تے شعیب ملک نے دو، دو جدکہ راحت علی، محمد نواز تے اظہر علی نے اک، اک وکٹ لئی۔
