پاک آسٹریلیا ٹیسٹ سیریز دے دوران کوئی وی باﺅلر اننگز وچ 5وکٹاں نہ لے سکیا، 52ورھے پرانا ریکاڈ برابر

پاک آسٹریلیا ٹیسٹ سیریز دے دوران کوئی وی باﺅلر اننگز وچ 5وکٹاں نہ لے سکیا، 52ورھے پرانا ریکاڈ برابر

اسلام آباد(پاکستان پوائنٹ نیوز07۔جنوری2017ء) پاکستان تے آسٹریلیا دیاں کرکٹ ٹیماں وچکار کھیڈی گئی تن میچاں دی سیریز وچ کوئی وی باﺅلر اننگز وچ 5وکٹاں نہ لے سکیا، ایہ ٹیسٹ کرکٹ دی تواریخ دا دوجا موقع اے کہ تن یاں ودھ ٹیسٹ میچاں دی سیریز وچ دوویں ٹیماں دے باﺅلرز اننگز وچ 5وکٹاں لین وچ ناکام رہے ہون۔ ایس توں پہلے 1964-65وچ پاکستان تے نیوزی لینڈ وچکار کھیڈی گئی ٹیسٹ سیریز وچ باﺅلرز اننگز وچ 5وکٹاں لین وچ ناکام رہے سن۔ پاک آسٹریلیا ٹیماں وچکار کھیڈی گئی ٹیسٹ سیریز وچ سٹارک نے دو وار اننگز وچ 4.4وکٹاں لین دا اعزاز حاصل کیتا جدکہ وہاب ریاض، محمد عامر تے جوش ہیز لووڈ نے اک، اک وار اننگز وچ چار، چار وکٹاں لئیاں۔