میلبورن ٹیسٹ: اظہر علی فیلڈنگ کردے ہوئے سِر اُتے گیند وجن نال زخمی ہوگئے

میلبورن ٹیسٹ: اظہر علی فیلڈنگ کردے ہوئے سِر اُتے گیند وجن نال زخمی ہوگئے

میلبورن(پاکستان پوائنٹ نیوز29۔دسمبر2016ء) پاکستان تے آسٹریلیا وچکار باکسنگ ڈے ٹیسٹ دے چوتھے دیہاڑے قومی ٹیم دے اوپنر اظہر علی فیلڈنگ کردے ہوئے سِر اُتے گیند وجن نال زخمی ہوگئے۔ تفصیل دے مطابق میلبورن کرکٹ گراﺅنڈ وچ جاری دوجے ٹیسٹ دے چوتھے دیہاڑے آسٹریلیا دی پہلی اننگرز دے 109ویں اوور وچ لیگ سپنر یاسر شاہ دی گیند اُتے کینگرو وکٹ کیپر و بلے باز میتھیو ویڈ نے لیگ سائیڈ اُتے زورنال شارٹ کھیڈی جو شارٹ لیگ اُتے کھلوتے اظہر علی دے سِر اُتے وجی تے اوہ زخمی ہو کے زمین اُتے ڈِگ پئے پر خش قسمتی نال ہیلمٹ پان دی وجہ توں اظہر علی نوں زیادا سَٹ نہ لگی۔

قومی میڈیکل سٹاف نے اظہر علی نوں فوری ڈاکٹری امداد دِتی جہدے بعد اوہ گراﺅنڈ توں باہر چلے گئے، ایس دوران میتھوویڈ ولوں اظہر علی توں معذرت کیتی گئی جہنوں اوہناں قبول کیتا۔ اظہر علی دے ہیلمٹ نال وجن دے بعد گیند وہاب ریاض دے ہتھاں وچ گئی پر آئی سی سی قانون دے مطابق میتھوویڈ آﺅٹ نہیں ہوئے۔ اگلے ورھے لاگو ہون والے نویں آئی سی سی قانون دے مطابق ایس طرحاں دا کیچ بلے باز نوں پویلین گھل دیوے گا۔