کنڈیشنز ایسے طرحاں ای رہی تے ساڈے باﺅلرز نوں وی وکٹ توں مدد ملے گی: وہاب ریاض

میلبورن(پاکستان پوائنٹ نیوز27۔دسمبر2016ء) قومی ٹیم دے فاسٹ باﺅلر وہاب ریاض دا کہنا اے کہ کنڈیشنز ایسے طرحاں ای رہی تے ساڈے باﺅلرز نوں وی وکٹ توں مدد ملے گی۔ تفصیل دے مطابق میلبورن ٹیسٹ دے دوجے دیہاڑے کھیڈ دے آخیر اُتے میڈیا نال گل بات کردے ہوئے وہاب ریاض دا کہنا سی کہ موسم دی وجہ توں مایوسی اے، امید اے کہ کل صورتحال مختلف ہووے گی پر جے کل وی موسم ایسے طرحاں ای رہیا، عامر تے سہیل خان نوں پچ توں ڈاڈھی مدد ملے گی۔ وہاب ریاض دا ہور کہنا سی کہ اظہر علی نے چنگی اننگز کھیڈ کے پاکستان دی پوزیشن چنگی کر دِتی اے۔ اوہناں دا کہنا سی کہ اظہر علی نے اپنے آپ نوں بیسٹمین لیا تے اوہ کامیاب رہے، اوہ بڑے فوکسڈ کھڈاری نیں۔