نویں دِلی(پاکستان پوائنٹ نیوز06۔دسمبر2016ء) بھارتی کرکٹرز ہربجھن سنگھ تے یوراج سنگھ نے پاکستانی سپیڈ سٹار شعیب اختر نوں سبھ توں وڈا گپو کرکٹر قرار دے دِتا۔تفصیل دے مطابق اک نجی چینل دے پروگرام ’یاداں دی بارات‘ وچ ہربھجن تے یوراج سنگھ کولوں جدوں سوال کیتا گیا کہ اوہناں دے نیڑے شوخیاں مارن والا کرکٹر کہڑا اے؟ جواب وچ اوہناں نے شعیب اختر دا ناں لکھیا، وجہ پُچھے جان اُتے یوراج سنگھ دا کہنا سی کہ شعیب دے بقول اوہناں دے دنیا بھر وچ گھر موجود نیں، اٹلی والے گھر دی قیمت دو ملین اے، 5ملین ڈالر دا اک گھر سپین وچ اے۔
اوہناں نے آکھیا کہ کرکٹ توں سانوں وی دولت ملی پر اینی نہیں، پتا نہیں شعیب اختر نے کتھوں ایہ گھر مُل لئے، اوہ جدوں وی سانوں اوتھے بُلاندے نیں پر آپ اوتھے نہیں ہوندے۔ ہربھجن نے شعیب نال رویندرا جدیجہ نوں وی گپو قرار دیندے ہوئے آکھیاکہ اوہ اپنے گھوڑیاں دا سائز بہت وڈا دَسدے نیں تے اوہناں دا کہنا اے کہ اوہدے گھوڑے اونٹھاں جِنے نیں۔
