ابو ظہبی (پاکستان پوائنٹ نیوز 25۔ اکتوبر 2016ء) دوجے ٹیسٹ وچ پاکستان نے ویسٹ انڈیز نُوں 133 سکور نال شکست دے کے ٹیسٹ سیریز وی اپنے ناں کر لئی اے۔ ابو ظہبی دے شیخ زید اسٹیڈیم وچ کھیڈے گئے ٹیسٹ دے آخری دِن پاکستان نے ویسٹ انڈیز نُوں 133 سکور نال ہرا کے ٹیسٹ سیریز وی اپنے ناں کر لئی جد کہ ویسٹ انڈیز دی پوری ٹیم دوجی اننگز وچ پاکستان دے ہدف 456 سکور دے تعاقب وچ 322 سکور ای بنا سکی۔
میچ دے پنجویں تے آخری دِن 171 سکور 4 وکٹاں دے نقان اُتے کھیڈ شروع ہویا تے روسٹن چیز تے بلیک وڈ نے تیزی نال سکور بنانا شروع کیتے تے 70 سکور دی شراکت قایم کیتی پر روسٹن چیز 187 دے مجموعی سکور اُتے 20 سکور بنا کے یاسر شاہ دا شکار ہو گئے‘ ایہدے بعد جرمن بلیک ووڈ نے ہور تیزی نال کھیڈنا شروع کیتا پر اوہ وی 95 سکور بنا کے 244 دے مجموعی سکور اُتے یاسر شاہ دی گھمدی گیند دا نشانا بن گئے۔
