حارث سہیل دا کیریئر انجری دی نذر ہون دا خدشا

لاہور(پاکستان پوائنٹ نیوز12۔ستمبر2016ء) قومی ٹیم دے مڈل آڈر بلے باز حارث سہیل دا کیریئر انجری دی نذر ہون دا خدشا پیدا ہوگیا اے۔ تفصیل دے مطابق 26 ورھیاں دے حارث سہیل دی پچھلے ورھے آسٹریلیا وچ گِٹے دی سرجری ہوئی سی جہدے بعد توں اوہ نیشنل کرکٹ اکیڈمی وچ ڈاکٹرز تے فٹنس ٹرینرز نال فٹ ہون لئی کم کر رہے سن پر ہن اِنج لگ رہیا اے کہ اوہناں دا اک ہور آپریشن کرن دی لوڑ اے۔جہدے بعد اوہ اک وار فیر ویسٹ انڈیز خلاف سیریز وچ حصہ نہیں لے سکن گے۔ یاد رہوے کہ حارث سہیل نے آخری وار مئی 2015 وچ زمبابوے خلاف لاہور وچ گرین شرٹس دی نمائندگی کیتی سی۔