بھارتی فلماں نوں پاکستان وچ نمائش دی اجازت مل گئی

ہریتھک روشن دی فلم ’کابل‘ نوں چھیتی ای نمائش لئی پیش کیتا جائے گا

بھارتی فلماں نوں پاکستان وچ نمائش دی اجازت مل گئی
ہریتھک روشن دی فلم ’کابل‘ نوں چھیتی ای نمائش لئی پیش کیتا جائے گا

کراچی(پاکستان پوائنٹ نیوز27۔جنوری2017ء) بھارتی فلماں نوںپاکستان وچ نمائش دی اجازت مل گئی جہدے بعد ہریتھک روشن دی فلم ’کابل‘ نوں چھیتی ای نمائش لئی پیش کیتا جائے گا۔ بھارتی پروڈیوسر ایسوسی ایشن ولوں پاکستانی فنکاراں دے فلماں وچ کم کرن اُتے پابندی مگروں پاکستان وچ وی بھارتی فلماں دی نمائش روک دِتی گئی سی، ایہو ای نہیں بلکہ بھارتی ٹی وی چینلز وی ملک بھر وچ بند کر دِتے گئے سن پر پاکستانی سینما مالکاں ولوں کاروبار متاثر ہون اُتے اک وار فیر بھارتی فلماں دی نمائش دی اجازت منگی گئی سی جہدے اُتے حکومت نے ہن فیصلا کیتا اے۔

پابندی چُکے جان مگروں ہریتھک روشن دی فلم ’کابل‘ نوں وی این او سی جاری کر دِتا گیا اے جدکہ فلم پاکستان وچ نمائش دے مالکانا حق نجی ٹی وی نے مُل لئے نیں تے فلم چھیتی ای مرکزی تے صوبائی سنسر بورڈذ دی اجازت مگروں ملک بھر وچ نمائش لئی پیش کیتی جائے گی۔ دوجے پاسے پاکستان سنسر بورڈ دے چیئرمین مبشر حسن نے فلم ’کابل‘ نوں این اوسی مگروں سنسر بورڈ سرٹیفیکیٹ نال مشروط کیتا اے جدکہ پاکستانی سینما مالکاں نے وی بھارتی فلم دے شوز دی ایڈوانس بکنگ کرنا شروع کر دِتی اے۔یاد رہوے کہ پاک بھارت وچکار کیشدا تعلقات پاروں چار مہینیاں توں بالی ووڈ فلماں اُتے پابندی لگی ہوئی سی۔