بھارتی آرمی بھکھی: پاکستان نوجوان نے بھارتی فوجی دی پیروڈی کر دِتی

بھارتی آرمی بھکھی: پاکستان نوجوان نے بھارتی فوجی دی پیروڈی کر دِتی

لاہور(پاکستان پوائنٹ نیوز14۔جنوری2017ء) بھارتی فوجی اہلکاراں دی پچھلے دِنا ای روٹی پانی چنگا نہ ملن دی ویڈیو ڈاڈھی مشہور ہوئی سی جہدے بعد بھارتی آرمی تے حکومتی کارکردگی دا پول کُھل گیا سی۔ ایس ویڈیو نوں ویکھ کے پاکستانی نوجوان نے بھارتی فوجی جوان دی زبردست پروڈی کیتی اے جو ویکھدے ای ویکھدے انٹرنیٹ اُتے وائرل ہو رہی اے۔ اپنی ایس ویڈیو وچ پاکستانی نوجوان نے بھارتی فوجی جوان دا مذاق اُڈاندے ہوئے اوسے دا روپ دھاردے ہوئے آکھیا کہ بھارتی حکومت سانوں روز پتلی دال کھان نوں دیندی اے، انج لگدا اے کہ اوہ پاکستان دا پانی ڈک کے ساڈی دال وچ پا دیندی اے۔ پاکستان نوجوان نے ہور آکھیا کہ دل کردا اے کہ میں وزیر اعظم نریندر مودی نوں ایسے پانی وچ ڈبو کے مار دیواں ۔ پروڈی دے آخیر وچ پاکستانی نوجوان نے پاکستان زندہ باد دا نعرہ وی لایا۔ پاکستانی نوجوان دی ایس پروڈی نوں تُسیں وی ویکھو!