پروڈیوسر ارشد چودھری خلاف آفرین خان دا وی انکشافات دا دھماکا کرن دا فیصلا

اداکارا سوہا علی دا ارشد چودھری خلاف بداخلاقی دا مقدما درج نہ ہون اُتے سپریم کورٹ جان دا اعلان

پروڈیوسر ارشد چودھری خلاف آفرین خان دا وی انکشافات دا دھماکا کرن دا فیصلا
اداکارا سوہا علی دا ارشد چودھری خلاف بداخلاقی دا مقدما درج نہ ہون اُتے سپریم کورٹ جان دا اعلان

لاہور(پاکستان پوائنٹ نیوز10۔جنوری2017ء) الفلاح تھیٹر دے پروڈیوسر ارشد چودھری خلاف سٹیج اداکارا آفرین خان نے وی انکشافات دا دھماکا کرن دا فیصلاکیتا اے ایس توں وکھ اداکارا سوہا علی نے ارشد چودھری خلاف بداخلاقی دا مقدما درج نہ ہون اُتے سپریم کورٹ جان دا اعلان کر دتا۔ وسیلیاں دے مطابق الفلاح تھیٹر وچ لَمے چِر توں سٹیج اُتے کم کرن والی اداکار آفرین خان نجی محفلاں وچ ارشد چودھری اُتے خطرناک قسم دے الزام لاندیاں رہیاں نیں جدکہ ہن سوہا علی ولوں ارشد چودھری خلاف بداخلاقی تے زیادتی اُتے پولیس نوں مقدما درج کرن لئی درخاست دین دے بعد آفرین خان نے وی ارشد چودھری بارے اہم انکشافات کرن دا فیصلا کیتا اے۔

دوجے پاسے ارشد چودھری ولوں دوویں معاملات نوں ختم کرن لئی بھرپور کوشش کیتی جا رہی اے۔