ممبئی(پاکستان پوائنٹ نیوز05۔جنوری2017ء) بھارت دے مشہور ڈرامہ سیریل ’ویرا‘ دے ہدایتکار وسیم صابر گھر وچ حادثے پاروں سِر وچ سَٹ لگن نال چلانا کر گئے۔ بھارتی ہدایتکار وسیم صابر 4 دن پہلے گھر وچ پوڑھیاں توں لتھدے ہوئے پیر تِلکن نال ڈِگ پئے، پوڑھیاں توں ڈِگن دے نتیجے وچ اوہناں دے سِر وچ سَٹ لگی تے اوہ بے ہوش ہو گئے، وسیم صابر نوں بے ہوشی دی حالت وچ ہسپتال لیجایا گیا جتھے دو دن داخل رہن دے بعد اوہ پیر دے دیہاڑے چلانا کر گئے۔
ڈاکٹراں دے مطابق وسیم صابر دے پوڑھیاں توں ڈِگن نال سِر وچ سَٹ لگی سی جہدی وجہ توں اوہناں دی موت ہو گئی۔ جوان ہدایکار دی اچانک موت نے پوری انڈسٹری نوں دُکھی کر دِتا اے۔ نامور اداکاراں نے اوہناں دے فوت ہون اُتے ہِرکھ دا وکھالا کیتا اے۔ ہدایتکار وسیم صابر نے سپر جٹ ٹی وی ڈرامیاں ’تما، گنگا‘’اس پیار کو کیا نام دوں‘ تے ’ویرا‘ دی ہدایتکاری دے فرض نبھان دے نال نال کئی ایوارڈ وی جِتے نیں۔
