کراچی(پاکستان پوائنٹ نیوز21۔دسمبر2016ء) مشہور پاکستانی گلوکار طاہر شاہ نوں جان توں مارن دیاں دھمکیاں ملیاں نیں جہدے بعد اوہ باہرلے ملک ٹُر گئے۔ تفصیل دے مطابق ’آئی ٹو آئی‘ تے ’اینجل‘ ورگے گانیاں توں شہرت حاصل کرن والے پاکستانی گلوکار طاہر شاہ نوں نامعلوم بندیاں ولوں قتل دیاں دھمکیاں ملیاں سن جہدے بعد اوہناں نے پولیس حکام نوں سکیورٹی لئی درخاست کیتی پر سکیورٹی حکام ولوں کوئی خاص جواب نہ ملن اُتے اوہ باہرلے ملک چلے گئے۔
طاہر شاہ دی مینجمنٹ ٹیم دا کہنا اے کہ نامعلوم ٹیلی فون کالز دے ذریعے طاہر شاہ نوں کُجھ دن پہلے قتل دیاں دھمکیاں ملیاں جہدے اُتے اوہناں نے اپنی سکیورٹی بارے متعلقا حکام نال رابطا کیتا سی پر کوئی خاص جواب نہ ملن اُتے طاہر شاہ باہرلے ملک ٹُر گئے۔
