ممبئی(پاکستان پوائنٹ نیوز03۔نومبر۔2016ء) بالی ووڈ سٹار شاہ رخ خان دی دھی سہانا نوں نوجوانی وچ پہچاننا کسے صورت آسان نہیں بلکہ ناممکن ہو گیا اے۔تفصیل دے مطابق سہانا ممبئی دے ہائی سکول توں تعلیم حاصل کر رہی اے تے فلم نگری وچ انٹری دی بجائے سپورٹس ول اوہدا رجحان زیادا اے جدکہ اوہنوں اپنے والد نال بیرون ملک دوریاں تے فلماں دے سیٹ اُتے اکثر ویکھیا گیا اے پر کنگ خان اپنی دھی نوں فلمی دنیا توں دور رکھن دا ارادا رکھدے نیں۔
شاہ رخ خان دی دھی سہانا خان جھیڑوے کپڑے پان پاروں سوشل میڈیا اُتے ڈاڈھی تنقید دا شکار بن رہی اے جہدے اُتے کنگ خان نوں تنقید دا نشانا بنان والیاں نوں کئی وار جواب دینا پیا۔ پچھلے دِنا شاہ رخ خان اپنی نوجوان دھی نال امیتھابھ بچن دے گھر ہون والی دیوالی دی تقریب وچ رلت لئی گئے جہدی تصویر سوشل میڈیا اُتے تیزی نال وائرل ہو رہی جدکہ ایس دوران بنائیاں گئیاں ہور تصویراں وچ سہانا نوں پہنچاننا کسے صورت آسان نہیں اے۔ سہانا خان نے تصویر وچ لال رنگ دا سوٹ پایا ہویا اے جدکہ ایس تصویر دے سوشل میڈیا اُتے وائرل ہون دے بعد اک نویں بحث چھڑ گئی اے تے اک وار فیر سہانا دے کپڑیاں اُتے تنقید کیتی جا رہی اے۔
