لاہور ہائی کورٹ نے فلم ”مالک“ دی نمائش اُتے پابندی خلاف فیصلا محفوظ کر لیا، 21 ستمبر نوں سُنایا جائے گا

لاہور(پاکستان پوائنٹ نیوز19۔ستمبر2016ء) لاہور ہائی کورٹ نے فلم ”مالک “دی نمائش اُتے پابندی خلاف فیصلا محفوظ کر لیا۔ تفصیل دے مطابق پیر دے دیہاڑے لاہور ہائی کورٹ وچ فلم مالک دی نمائش اُتے پابندی خلاف دائر کیتی گئی درخاست اُتے سنوائی ہوئی۔ جسٹس شمس محمود مرزا نے دو پاسی وکیلاں دے دلائل سنن دے بعد فیصلا محفوظ کر لیا جہنوں ہُن 21 ستمبر نوں سُنایا جائے گا۔ یاد رہوے کہ کجھ دن پہلے سندھ ہائی کورت نے فلم دی نمائش اُتے پابندی نوں ہٹاندے ہوئے پورے ملک وچ نمائش دی اجازت دِتی سی۔ فلم 8 اپریل نوں ریلیز کیتی گئی سی جہدے اُتے وفاقی وزارت اطلاعات نے رلیز دے تن ہفتیاں بعد ای پابندی لا دِتی ۔