پرچاکار دا کے پی کے حکومت دی کرپشن بارے عمران خان توں سوال

اسلام آباد(پاکستان پوائنٹ نیوز18۔جنوری2017ء) پاکستان تحریک انصاف دے سربراہ عمران خان خیبرپختونخوا دی صوبائی حکومت دی کرپشن بارے کیتے گئے سوال دا جواب دین دی بجائے دوجے پرچا کار ول متوجہ ہو گئے۔ تفصیل دے مطابق بدھ دے دیہاڑے سپریم کورٹ دے باہر میڈیا نال گل دے دوران اک پرچا کار نے تحریک انصاف دے سربراہ عمران خان کولوں سوال کیتا کہ خیبر پختونخوا وچ وزیر اعلا پرویز خٹک بارے تہاڈے ارکان اسمبلی کرپشن دے الزام لا رہے نیں پر تہاڈا ایس حوالے نال کوئی ردعمل ساہمنے نہیں آیا جہدے اُتے عمران خان نے جواب دین دی بجائے اپنا دھیان دوجے پرچاکار ول کر لیا تے اوہدا سوال سُنن لگ پئے۔