غیر ملکی فنڈنگ وچ گھپلے دا کیس: عمران خان نے الیکشن کمیشن کولوں غیر مشروط معافی منگ لئی

غیر ملکی فنڈنگ وچ گھپلے دا کیس: عمران خان نے الیکشن کمیشن کولوں غیر مشروط معافی منگ لئی

اسلام آباد(پاکستان پوائنٹ نیوز16۔جنوری2017ء) پی ٹی آئی دی غیر ملکی فنڈنگ وچ گھپلے دے کیس اُتے پی ٹی آئی چیئرمین عمران خان نے غیر مشروط معافی منگ لئی۔ تفصیل دے مطابق پی ٹی آئی چیئرمین عمران خان ولوں معافی ناما تحریک انصاف دے وکیل ثقلین حیدر نے جمع کروایا۔ معافی نامے دے متن وچ آکھیا گیا اے کہ غیر ملکی فنڈنگ کیس وچ پہلے جمع کروائی گئی نظرثانی دی درخاست واپس لیندے آں۔ معافی نامے وچ ہور آکھیا گیا کہ نظرثانی درخاست وچ پیش کیتا گیا موقف واپس لیندے آں۔ یاد رہوے کہ پی ٹی آئی چیئرمین عمران خان نے 9جنوری نوںالیکشن کمیشن نوں متعصب قرار دِتا سی جہدے اُتے الیکشن کمیشن نے اج سنوائی وچ تحریری معافی ناما جمع کروان دی ہدایت کیتی ہوئی سی۔