احتساب عدالت دا شرجیل میمن نوں اشتہاری قرار دین دی کاروائی شروع کرن دا حکم

شرجیل میمن گرفتاری توں بچن لئی باہرلے ملک گئے نیں جس وجہ توںملزم دی گرفتاری ممکن نہیں: تفتیشی افسر دی رپورٹ

احتساب عدالت دا شرجیل میمن نوں اشتہاری قرار دین دی کاروائی شروع کرن دا حکم
شرجیل میمن گرفتاری توں بچن لئی باہرلے ملک گئے نیں جس وجہ توںملزم دی گرفتاری ممکن نہیں: تفتیشی افسر دی رپورٹ

کراچی(پاکستان پوائنٹ نیوز14۔جنوری2017ء) احتساب عدالت نے محکما اطلاعات سندھ وچ ارباں رُپئے دی کرپشن بارے ریفرنس وچ سابق صوبائی وزیر شرجیل میمن نوں اشتہاری قرار دین دی کارروائی شروع کرن دا حکم دے دِتا۔ تفصیل دے مطابق ہفتے نوں کراچی دی احتساب عدالت وچ شرجیل میمن تے ہور ملزماں خلاف محکما اطلاعات سندھ اندر ارباں رُپئے دی کرپشن بارے ریفرنس دی سنوائی ہوئی۔

سنوائی دوران نیب دے تفتیشی افسر نے شرجیل میمن دی گرفتاری بارے عدالتی حکم دی رپورٹ پیش کیتی ، جہدے وچ آکھیا گیا کہ شرجیل میمن گرفتاری توں بچن لئی باہرلے ملک چلے گئے نیں جہدی وجہ توں ملزم دی گرفتاری ممکن نہیں۔ عدالت نے تفتیشی افسر نوں شرجیل میمن نوں اشتہاری قرار دین دی کارروائی شروع کرن دا حکم دے دِتا اے۔ یاد رہوے کہ شرجیل میمن تے ہور ملزماں اُتے محکما اطلاعات وچ اشتہاراں دے چکر وچ 5ارب 79کروڑ رُپئے توں ودھ کرپشن دا الزام اے، ایس کیس وچ اک ہور ملزم انیتا بلوچ نوں اشتہاری قرار دتا گیا اے۔