سینیٹر پرویز رشید دے سینے وچ درد، ہسپتال وچ ڈاکٹری معائنا

سارے ٹیسٹ کلیئر نیں، ڈاکٹراں دے مشورے مگروں گھر واپس گھل دِتا گیا: ہسپتال وسیلے

سینیٹر پرویز رشید دے سینے وچ درد، ہسپتال وچ ڈاکٹری معائنا
سارے ٹیسٹ کلیئر نیں، ڈاکٹراں دے مشورے مگروں گھر واپس گھل دِتا گیا: ہسپتال وسیلے

اسلام آباد(پاکستان پوائنٹ نیوز12۔جنوری2017ء) سینیٹر پرویز رشید نوں سینے وچ درد پاروں راولپنڈی انسٹی ٹیوٹ آف کارڈیالوجی (آر آئی سی) لیاندا گیا جتھے اوہناںد ے مختلف ٹیسٹ کیتے گئے۔ نجی ٹی وی دے مطابق سابق وزیر اطلاعات تے مسلم لیگ (ن) دے رہنما پرویز رشید دے سینے وچ درد پاروں اوہناں نوں راولپنڈی انسٹی ٹیوٹ آف کارڈیالوجی (آر آئی سی) وچ لیاندا گیا جتھے ماہر ڈاکٹراں دی ٹیم نے اوہناں دا مکمل چیک اپ کیتا تے درد دی نوعیت جانن لئی ای سی جی تے ہور ٹیسٹ کیتے گئے۔

ہسپتال ترجمان دے مطابق پرویز رشید دے سارے ٹیسٹ کلیئر آئے نیں جہدے بعد اوہ ڈاکٹراں دی اجازت نال گھر واپس چلے گئے نیں۔ ڈاکٹراں نے اوہناں نوں ویلے اُتے تجویز کیتیاں گئیاں دوائیاں لین، مکمل آرام، کسے وی قسم دا ذہنی دباءنہ لین تے مکمل پرہیز دا مشور دِتا اے۔