سابق آرمی چیف نے این او سی لئی درخاست دِتی تے غور کراں گے: وزیر دفاع خواجا آصف

سابق آرمی چیف نے این او سی لئی درخاست دِتی تے غور کراں گے: وزیر دفاع خواجا آصف

اسلام آباد(پاکستان پوائنٹ نیوز11۔جنوری2017ء) وزیر دفاع خواجا آصف نے واضح کیتا اے کہ سابق آرمی چیف عمرے توں واپس آ گئے نیں۔ راحیل شریف نے این او سی لئی درخاست نہیں دِتی، راحیل شریف نے درخاست دِتی تے قانون مطابق اوہنوں ویکھاں گے۔ تفصیل دے مطابق اج سینیٹ وچ خطاب کردے ہوئے وفاقی وزیر دفاع خواجا آصف دا کہنا سی کہ فوج دے ریٹائرڈ افسر ملک اندر ای نوکری چاہندے نیں۔

اوہناں نے آکھیا کہ اجے تک راحیل شریف دی کلیئرنس یاں این او سی لئی درخاست نہیں آئی جے درخاست آئی تے ایوان نوں دسیا جائے گا۔ اوہناں نے سینیٹ نوں دسیا کہ راحیل شریف سعودی عرب دی دعوت اُتے عمرہ کرن گئے سن، اوہناں نے عمرے اُتے جان دی اطلاع دِتی سی۔ اوہناں دا کہنا سی کہ راحیل شریف عمرے توں واپس آ گئے نیں، راحیل شریف نے واپس آ کے جی ایچ کیو تے نہ ای وزارت دفاع نوں درخاست دِتی، راحیل شریف ولوں ایہ وی آکھیا گیا کہ اوہناں نوں کوئی آفر نہیں ہوئی۔

اوہناں نے آکھیا کہ غیر ملکی ملازمت لین بارے وی رولز وچ ترمیم کیتی جائے گی۔ ایس دوران چیئرمین سینیٹ نے سوال کیتا کہ، جے راحیل شریف دی درخاست آئی تے تُسیں ایوان نوں دَسو گے؟ کیہ جنرل (ر) راحیل شریف نے اپنے محکمے توں اجازت منگی اے؟ جہدے اُتے خواجا آصف نے آکھیا کہ راحیل شریف نے آرمی توں اجازت نہیں منگی، راحیل شریف نے اجے تک این او سی یاں کلیئرنس لئی درخاست وی نہیں دِتی۔