حکومت نے سوشل میڈیا ورتیندڑاں لئی نویاں ہدایتاں جاری کر دِتیاں

حساس تھاواں دے دورے دوران وائی فائی، انٹرنیٹ تے جی پی ایس نوں لازمی بند رکھیا جائے: نیشنل ٹیلی کام اینڈ انفارمیشن ٹیکنالوجی دی ایڈوائز

حکومت نے سوشل میڈیا ورتیندڑاں لئی نویاں ہدایتاں جاری کر دِتیاں
حساس تھاواں دے دورے دوران وائی فائی، انٹرنیٹ تے جی پی ایس نوں لازمی بند رکھیا جائے: نیشنل ٹیلی کام اینڈ انفارمیشن ٹیکنالوجی دی ایڈوائز

کراچی(پاکستان پوائنٹ نیوز11۔جنوری2017ء) کیہ تُسیں اپنی آوا جاوی بارے معلومات سوشل میڈیا اُتے اپ ڈیٹ کرن دے عادی او، جے انج اے تے فیر ہوشیار ہو جاﺅ۔ کیونکہ گوگل میپ تے سوشل میڈیا دی انھے واہ ورتوں سکیورٹی رسک بن گیا اے۔ نیشنل ٹیلی کام اینڈ انفارمیشن ٹیکنالوجی نے ہدایتاں جاری کر دِتیاں ۔ تفصیل دے مطابق گوگل لنک تے سوشل میڈیا ایپلیکشنز ورتن والے ہن ہوشیار تے خبردار ہو جان کیونکہ اوہناں دی آوا جاوی دیاں تفصیلاں تے تصویراں کُجھ دِناں وچ ای عام ہو جاندیاں نیں، صورتحال نوں ویکھدے ہوئے نیشنل ٹیلی کام اینڈ انفارمیشن ٹیکنالوجی سکیورٹی بورڈ نے ہدایتاں جاری کر دِتیاں نیں۔

ہدایتاں وچ خاص طور اُتے حساس تھاواں اُتے جان تے کم کرن والیاں نوں دسیا گیا اے کہ حساسں تھاواں دے اندر رہ کے تصویر بنانا وی خطرے توں گھٹ نہیں اے۔ حساس تھاواں دے دورے دے دوران وائی فائی، موبائل، انٹرنیٹ تے جی پی ایس نوں لازمی بند رکھیا جائے۔ آٹو لوکیشن اپ ڈیٹ دا آپشن بند کر دِتا جائے۔ ورتیندڑ اپنی موجودگی دی اطلاع گوگل میپ تے سوشل میڈیا اُتے پان توں پرہیز کرن ، حساس تھاواں دا دورا تے اوتھے رہن والے بندیاں نوں لوکیشن گوگل میپ تے سوشل میڈیا اُتے ٹیگ کرنا سکیورٹی مسئلے کھڑے کررہیا اے ایہ احتیاط یقینن سوشل میڈیا ورتیندڑاں لئی اُلجھن دی وجہ اے۔