پاناما کیس دی سنوائی: عدالت وچ بِہن لئی تھاں نہ ملن اُتے پی ٹی آئی رہنما شیریں مزاری رُس پئیاں

اسلام آباد(پاکستان پوائنٹ نیوز11۔جنوری2017ء) سپریم کورٹ وچ پاناما کیس بارے درخاستاں دی سنوائی دا سلسلا جاری اے۔ سپریم کورٹ وچ اج پی ٹی آئی دے وکیل نعیم بخاری نے اپنے دلائل مکمل کیتے۔ سپریم کورٹ وچ پاناما کیس دی سنوائی دوران پی ٹی آئی رہنما شیریں مزاری بِہن لئی تھاں نہ ملن اُتے رُس پئیاں۔ شیری مزاری نے عدالت دے احاطے وچ سیٹ نہ ملن اُتے خفگی دا وکھالا کردے ہوئے آکھیا کہ لوک پہلے ای وزیراں لئی سیٹاں اُتے قبضا کر لیندے نیں۔ اوہناں نے آکھیا کہ سانوں عدالت وچ کھلون لئی تھاں نہیں ملدی۔ جہدے اُتے عدالت نے آکھیا کہ تہاڈی شکایت دا نوٹس لِتا جائے گا۔